TERRITORIOS NARRADOS

Na área de “Territorios Narrados”, o GET analiza as múltiples interseccións entre cultura, sociedade e territorio, explorando como os discursos, as expresións artísticas e os fenómenos culturais contribúen á construción e comprensión do espazo. A investigación céntrase tanto nas narrativas que se desenvolven sobre o territorio como nos impactos que estas teñen nas comunidades que os habitan.

As nosas principais liñas de traballo inclúen:

• A cultura como motor e expresión territorial: investigamos a relación entre cultura e territorio, con atención ás funcións atribuídas á cultura como forma de expresión social e motor de desenvolvemento a través de políticas culturais e das industrias creativas e culturais.
• Estudo dos campos cultural e artístico: estudamos os campos artístico e cultural, en especial os ámbitos musical e literario, así como os procesos sociais e político-ideolóxicos asociados a estas expresións.
• Os discursos públicos e os seus efectos: analizamos discursos literarios, xornalísticos e institucionais, avaliando os seus impactos no tecido social e na percepción do territorio.
• Memoria, patrimonio e emigración: realizamos estudos documentais e estatísticos sobre a emigración galega e a historia patrimonial, explorando as conexións entre movementos migratorios e identidade territorial.
• Relacións culturais intersistémicas: examinamos os vínculos entre o Sistema Cultural Galego e os intersistemas culturais lusófono e hispanófono, identificando puntos de encontro e diverxencia.
• Lugares de memoria: traballamos na análise e cartografía dos lugares de memoria, explorando o seu significado histórico, cultural e social no territorio.
• Representación e difusión dos territorios: realizamos estudos sobre o xeito en que os territorios son representados a través de tecnoloxías dixitais e da imaxe, dende os mapas ás recreacións virtuais, analizando a súa influencia na percepción, apropiación, difusión e reconfiguración dos imaxinarios territoriais por parte de comunidades e institucións.

traballo destacado desta liña

• López Salas, E. (2024). Representación y difusión digital del patrimonio monástico: El proyecto “Digital Samos”. En J. Calatrava Escobar, D. Arredondo Garrido, & M. Rodríguez Iturriaga (Eds.), Comunicar la arquitectura: Del origen de la modernidad a la era digital (Vol. 2, pp. 1627–1638). Editorial Universidad de Granada.
• Pérez García, A., & Rodríguez Pallas, Á. (2024). Análisis sociológico del turismo durante el Régimen Franquista e inicio de la Transición a través de la imagen y el relato histórico-simbólico del NO-DO. En M. Bermúdez Vázquez, A. Chaves Montero, & J. Otero Santamaría (Coords.), Las fronteras del conocimiento: Perspectivas y aplicaciones en la era digital (pp. 974–998). Dykinson.
• Morató, A. R., Lopes, J. T., Zamorano, M. M., Ferro, L., Azevedo, N., Sánchez Belando, M. V., Andrade, M., Novo Rey, U., Apolinário, S., & Ricardo, J. (2023). Valores e tensões na política cultural ibérica: Um estudo de casos. Sociologia, Problemas e Práticas, 101, 9–28. https://journals.openedition.org/spp/11675
• Justo, C. P., del Río Araújo, M. L., & Samartim, R. (2022). Reinvention and unanimity: Impact of cultural and tourism policies in the local community of Santiago de Compostela. En The Way of Saint James, tourism, and local community (pp. 60–81).