Sergio Gómez Rodríguez

Sergio Gómez Rodríguez é licenciado en Socioloxía pola UDC e conta cun mestrado en Estatística Aplicada. Actualmente é profesor asociado no Departamento de Socioloxía da UDC onde imparte materias relacionadas coa análise de datos e a metodoloxía da investigación social.

A súa experiencia profesional céntrase principalmente no eido privado, onde dirixe, desde 2006, Edesga, empresa de estudos sociais e de opinión. Ao longo da súa traxectoria participou e dirixiu proxectos de moi diferentes temáticas, desde o desenvolvemento local ao comportamento electoral, centrándose, especialmente, na análise de datos cuantitativos.

Liñas de investigación: socioloxía do territorio, segregación residencial, fragmentación urbana, metodoloxía cuantitativa.