Raimundo Otero Enríquez

Raimundo Otero Enríquez, doutor en Socioloxía, é actualmente profesor contratado doutor no Departamento de Socioloxía e Ciencias da Comunicación da UDC. A súa traxectoria docente centrouse en materias relacionadas co ensino da estatística aplicada ás ciencias sociais, análise estatística multivariante, e deseño de proxectos de investigación, tanto en niveis de grao como de posgraduado.

Liñas de investigación: socioloxía urbana e rural, historia urbana, estudos urbanos, planificación urbana e rexional, estatística, ensinanza e aprendizaxe, ciencia dos alimentos.

Participou en 6 proxectos de investigación de I+D en convocatorias competitivas, en diferentes proxectos de innovación e coordinación docente, así como no desenvolvemento de 7 contratos e convenios con diferentes administracións e entidades privadas. Ata o momento publicou un total de 20 artigos en revistas indexadas en WOS e SCOPUS, 12 capítulos de libro indexados en SPI, e un libro (Socioloxía e historia da cidade desconcentrada, 2017), editado polo Centro de Investigacións Sociolóxicas. Participou en 38 congresos internacionais, nacionais e autonómicos. Por último, ten recoñecidos 2 quinquenios docentes e 1 sexenio de investigación.

Obtivo, no ano 2003, o segundo premio nacional fin de carreira. A súa tese, co título “Procesos internacionais de desconcentración urbana. Cara a un modelo de transición territorial”, recibiu o premio extraordinario de doutoramento da UDC (área de economía e socioloxía) no ano 2014. No ano 2023 obtivo un certificado de excelencia docente no marco do XI Programa Docentia da UDC.

Fóra do ámbito universitario, desenvolveu unha carreira profesional ao longo dunha década no sector da consultoría galega de estudos de mercados e opinión.