Iria Caamaño Franco

Iria Caamaño Franco é profesora do Departamento de Socioloxía na Facultade de Turismo da Universidade da Coruña, onde imparte docencia en Grao e Máster. Doutora en Dirección e Planificación do Turismo pola Universidade da Coruña desde o ano 2017, con distinción internacional tras unha estancia predoutoral no Centro ISMAI (Portugal). A súa carreira académica, ata o ano 2020, compaxinouna cunha carreira profesional que suma máis de 10 anos de experiencia e que estivo enfocada, principalmente, ao ámbito da comercialización e intermediación turística, así como á consultoría o cal, sen dúbida, enriqueceu enormemente o seu perfil científico e docente.

Liñas de investigación: turismo cultural (turismo industrial, Camiño de Santiago, turismo mariñeiro…), comercialización turística; planificación turística: diagnósticos turísticos, potencialidade dos recursos patrimoniais e deseño de plans estratéxicos e directores no ámbito turístico.

Dende o ano 2018, é Directora de ROTUR. Revista de Lecer e Turismo e do Curso de Verán de Turismo da UDC. Foi membro do equipo de investigación da UDC no Proxecto H2020 RURALLURE (2020-2024), coordinadora do proxecto HERIT (Erasmus+, 2022) centrado na posta en valor das casas históricas e participou en CREAHLANDS. Paisaxes que conectan. Especialización intelixente na xestión creativa do patrimonio e a paisaxe rural sostibles (Erasmus+, 2022).